Pjan ta’ Azzjoni ghax-Xoghol

Il-GRTU
taqbel li ghandu jsir kull sforz miftiehem bejn gvern u l-msiehba socjali biex
in-numru ta’ nies disponibbli ghax-xoghol jizdied u biex toghla l-kwalita
tal-haddiema Maltin permezz ta’ aktar tahrig u ppjanar ahjar edukattiv.
Il-kapital uman jibqa’ l-aqwa kapital li ghandha Malta. Il-GRTU issostni li biex
jibqa’ joghla l-GDP ta’ pajjizna bilfors f’Malta jrid ikollha aktar nies
jahdmu.

Fil-laqgha ta’ konsultazzjoni msejha mill-Ministru
tal-Edukazzjoni, il-GRTU enfasizzat bil-kbir li mhux bizzejjed li nisguraw li
jkollna aktar haddiema disponibbli u ta’ kwalita dejjem oghla, izda hu fuq
kollox importanti li jkollna aktar postijiet tax-xoghol. Dawn il-postijiet
f’ekonomija moderna jinholqu mill-entrepreneurs privati zghar u kbar. Jinholqu
meta f’Malta l-gvern ikun verament enterprise-driven. Meta l-awtoritajiet Maltin
bis-serjeta jiehdu hsieb lil min irid jinvesti u jhaddem in-nies. Sfortunatament
il-GRTU issostni li dan mhux qed isir u hu ghalhekk li l-GRTU qed tishaq f’kull
laqgha mal-kandidati ghall-post ta’ Prim Ministru ta’ Malta fil-gejjieni biex
jikkomettu ruhhom bl-aktar mod car favur politika li ssostni lil intrapriza u
lil entrepreneurs bhala l-ghodda ewlenija biex f’Malta jizdied ix-xoghol u
jitkattar il-gid

Fis-sitwazzjoni tal-lum fejn il-qaghad qed jizdied, u
ser ikompli jizdied,il-GRTU qed tishaq aktar minn qatt qabel li l-Gvern ghandu
jkun hafna aktar decisiv fejn tidhol ghajnuna lil intraprizi iz-zghar Maltin li
fihom jahdmu ghexieren ta’ eluf ta’ Maltin. L-iskemi kollha li il-gvern haddem
s’issa ftit li xejn kellhom effett ghax l-attitudni generali tal-awtoritajiet
Maltin hi li jghabbu fuq is-sidien tal-intraprizi hafna u hafna aktar milli
jifilhu bil-konsegwenza li dawn jew inaqqsu jew ma jzidux impjiegi. It-targets
tal-Pjan ta’ Azzjoni Dwar L-Impjiegi ma jintlahqux jekk il-Gvern ma jbiddilx
drastikament l-attitudni lejn is-sidien tal-intraprizi u jrazzan lil dawk
fl-Awtoritajiet, fil-Ministeri u fid-Dipartimenti tal-Gvern li pronti jfarfru
minn fuq daharhom ir-responsabbiltajiet taghhom biex dejjem jghabbu izjed fuq
is-sidien tal-intraprizi Maltin basta jiddandnu bil-pjanijiet u
bir-rapporti.